GENERAL SANTOS CITY – Nakabenipisyo sa food ug non-food items sa Provincial Disaster Risk Reduction and Management Office o PDRRMO ang 150 ka pamilya sa mga munisipyo sa Polomolok ug Sto Niño, South Cotabato.
Matud kang PDRRM Officer Mila Lorca nga lakip sa mga nahatagan ug hinabang ang 48 ka pamilya sa Poblacion, Polomolok ug 102 usab sa Barangay Panay Sto. Niño.
Gibutyag nga ang naasoy nga pamilya ang naigo sa mga pagbaha kaniadtong Pebrero 3.
Gikadugang pa niini nga totally damage sa baha sa Polomolok ang siyam ka mga balay.
Giguba usab sa kalamidad ang mukapin sa P200,000 kantidad sa flood control structure sa naasoy nga lugar.
Gipaklaro ni Lorca nga walay nasakitan o namatay sa pag-igo sa kalamidad sa duha ka lugar.
Gitambagan usab sa PDRRMO ang mga pamilyang nagub-an ug panimalay nga mubalhin ug kapuy-an aron masiguro nga luwas sa pag-igo sa kalamidad.
