GENERAL SATOS CITY – Malampusong narekober sa mga operatiba sa Kiamba Municipal Police Station ang mukabat sa 150 ka board feet ang nagkadaiyang mga ginabas nga kahoy.
Gibutyag nga giabandona sa wala pa maila nga mga suspek sa may Barangay Lumuyon, Kiamba, Sasrangani Province sa nakalabayng adlaw.
Sa report nga giduso sa Kiamba Police Station ngadto sa Sarangani PNP Provincial Office sa dihang nakadawat ug taho kalabutan sa pagkakaplag sa nahisgutang mga ginabas nga kahoy.
Gilayon nga girespondihan sa kapulisan ang giingong lugar ug naabtan ang ginabas nga kahoy.
Mismong ang mga sakop sa Municipal Enviroment and Natural Resources Office (MENRO) ang nagbutyag nga good lumber ang naasoyng ginabas nga kahoy.
Nagpahigayon gilayon ug pagsusi ang kapulisan sa mga residente apan nagnegatibu ang resulta.
Nasuta nga pipila ka insidente na sa pagkaplag sa kahoy ang natala sa kapulisan nga kasagaran gibilin lamang sa dalan sa pagtuo nga ipalusot kini agi sa dagat.
