GENERAL SANTOS CITY – Mukabat sa 15 kilos sa pork products ang nakumpiska sa taga City Veterinary Office kauban sa taga National Meat Inspection Service(NMIS).
Matud pa ni Dr. Antonio Ephraim Marin ang labaw sa City Vet nga kagahapon, mituyok ang ilang mga ginsakpan kauban sa taga NMIS aron magpahigayon og inspeksyon sa mga meat shop og mall sa syudad.
Apil sa giadtuan aron ma-inspeksyon ang mga gabaligya og pork products nga anaa lang nag-display sa kadalanan kung diin katibuk-ang 15 kilos sa pork products ang nakumpiska nga gilayon usab nga gipangsunog.
Kini tungod sa kabalaka nga adunay ASF tungod gikan sa Davao.
Nasayran nga nagpatabang na ang buhatan ni Dr. Marin sa Anti Cyber Crime Unit aron mammonitor ang mga online seller nga gabaligya og karne sa baboy og mga pork products apil mga processed meat sa dakbayan.
