GENERAL SANTOS CITY – Luwas nga nakauli sa tagsa ka pamilya ang kinse ka mananagat nga unom ka adlaw ng naglutaw sa kadagatan sa Palau human mabangalan sa usa ka fishing vessel nga taga General Santos City.
Una nga gibutyag ni Gemma Navarro nga taga Surigao City nga iyang mga sakop ang 15 ka mananagat nga sakay sa usa niini ka panagatan.
Mibiya sa Surigao sa miaging Pebrero 14, 2021 luyo nga gapasulod na sa area of responsibility ang bagyong Auring apan gipakamenos kini sa timonel nga hinay nga bagyo.
Pag nila sa Palau nanagko ang balud nga nakapalunod sa ilang panagatan.
Unom ka barko ang miagi sa lugar apan wala matud pa sila giluwas luyo nga unom ka adlaw na sila nga naglutaw lutaw sa dagat.
Gipasalamatan pa ni Navarro ang mga miluwas sa 15 ka mga mananagat nga mihatud dinhi sa dakbayan.
Ang 15 ka mananagat ang gikarga pas a BRP Tubataha dihang midunggo sa pantalan sa Makar.
