GENERAL SANTOS CITY – Anaa sa kinse ang bag-ong kaso sa COVID 19 ang natala sa Rehiyon 12 base sa labing ulahing report sa DOH – Center for Health Development Soccsksargen Region.
Gibutyag nga anaa sa onse ang bag-ong nakarekober og usa ang patay nga taga Koronadal City.
Sa kinse ka kaso, walo ang gikan sa South Cotabato, unom sa GenSan og usa sa Sarangani Province.
Ang South Cotabato ang may labing daghang kaso sa COVID 19 nga anaa sa 22,168 samtang 63 ang active cases og 827 ang patay.
Ang GenSan ang may 17,813 ka kaso, 53 ang active cases og 631 ang patay. Ang North Cotabato ang may 13,865 ka kaso, lima ang active cases og 664 ang patay.
Ang Sultan Kudarat ang may 5,545 ka kaso, tulo ang active cases og 251 ang patay. Ang Sarangani ang may 7,995 ka kaso, 16 ang active cases og 197 ang patay.
Sa katibuk-an adunay 70,386 ang COVID-19 confirmed cases sa SOCCSKSARGEN region kung asa 140 (0.20%) ang active cases, 67,644 (96.10%) ang recoveries og 2,570 (3.65%) ang COVID-19 related deaths.
