-- ADVERTISEMENT --
GENERAL SANTOS CITY – Balhug ang usa ka 16 anyos nga lalaki human gidunggab ang kainom nga 15 anyos.
Giila ang suspek nga si Ryan Canillo, taga-Lower Makar Brgy Labangal, samtang ang biktima mao si Samsudin Patalam, taga-Bulaong Ext. ning siyudad.
Sa imbestigasyon, natigayon ang insidente alas-2:15 kaganiha sa kaadlawon, sa may Ten Point sa national highway Brgy Labangal ning dakbayan.
Nag-inum matud pa ang duruha kung asa misangko sa wala pagsinabtanay ug nauli sa pagpanunggab.
Gikatakdang operahan ang biktima sa usa ka pribadong tambalanan, gumikan sa duha ka samad-dinunggaban nga naangkon sa lawas.
-- ADVERTISEMENT --
Samtang ang suspek ang anaa na sa kustodiya sa Makar Police Station, ug padayong giimbestigahan sa kapulisan ang insidente.
