Mukabat sa 19 ang patay sa nahitabo nga engkwentro sa tulo ka grupo sa Moro Islamic Lioberation front.
Matud ni Lt. Col. Roden Orbon, ang tigpamaba sa 6th Infantry ‘Kampilan’ Division nga hinungdan sa away ang giilugan nga 280 ka ektarya nga luna sa Barangay Kilangan, Pagalungan, Maguindanao del Sur.
Una nga gibutyag nga miabut sa lugar si Engr. Datu Alonto Sultan sa 105th MILF Base Command ug gusto nga sudlon ang luna nga giokopa sa grupo ni Commander Ikot Dandua sa 128th ug Commander Bawsi sa 129th MILF Base Command.
Dugay na matud pang wala nagkasinabot ang grupo ni Engr Sultan ug Commander Ikot nga nagresulta sa engkwentro.
Gumikan sa nahitabo nagpatawag ug tigum si Pagalungan Mayor Salik Mamasabulod, 602nd Brigade ug 90th Infantry Batallion Philippine Army.
Human matud pa sa engkwentro narecover sa militar ang mga tag-as nga kalibre sa armas lakip ang upat ka M16 rifles, M14 rifle ug caliber 45 pistol mga magazine ug daghang matang sa bala.
Nagsugod na usab pamauli ang mga residente nga nahadlok maangin sa kagubot.
