GENERAL SANTOS CITY – Gisugdan na sa kapulisan ang operasyon sa pagpasirado sa mga STL outlets dinhi sa dakbayan.
Unang namatikdan nga nagpahigayon ug pagpanirado ang Pendatun Police Station, kung asa nahidangat mismo sa nasampit nga presinto si Geraldine Zamora, ang labaw sa City Permits and Licensing Division alang sa nasampit nga operasyon.
Kauban niini ang hepe sa nasampit nga police station nga si Chief Inspector Jovenson Bayona, kung asa mukabat sa 14 ka outlets ang ilang napasirad-an, kagahapong adlawa.
Samtang, gibutyag ni P/S/Insp. Peter Pinalgan, hepe sa Lagao Police Station, nga nagpaabot pa sila sa mga sakop sa City Permits and Licensing Divisio, aron makapahigayon usab sila ug operasyon sa pagpasirado sa mga STL outlets sa ilang area of responsibility.
Aminado si Pinalgan nga daghan ug mga STL outlets sa ilang AOR.
