GENERAL SANTOS CITY – Nasikop ang number one most wanted person sa Malungon, Sarangani Province sa hiniusang pwersa s kapulisan ug sundalo atol sa one time big time operation.
Sumala pa ni Lt. Col. Teody Condesa, tigpamaba sa Sarangani Police Provincial Office (SPPOP) nga miaging adlaw gipahigayon ang operasyon sa mga target ug nasikop gayud si Luis Malila alyas Kumander Lu nga no. 1 nga bandido sa maong lugar.
Nakuha iyang kustodiya pinaagi sa search warrant ang nagkadaiyang matang sa armas sama sa garrand rifle, 12 gauge shotgun, home made shotgun, ear gun ug mga bala ug magazines.
Ang nasampit ang nag-atubang pa ug three counts sa murder ug two counts frustrated murder.
Samtang ang lain pang nasikop mao si Turnika Malila nga nakuhaan usab ug armas ug mga bala nga aduna usab kasong murder.
Mukabat sa 14 ka matang sa armas ang nakuha sa mga nasampit.
