GENERAL SANTOS CITY – Mukabat sa 1,300 ka micro retailers ug sari-sari store owners ang natunulan ug benepisyo atul sa ikaduhang batch sa pagtunol ug cash assistance ubos sa Department of Social Welfare and Development (DSWD) Sustainable Livelihood Program (SLP).
Matag usa nakadawat ug P15,000 nagtumong sa pagsuporta sa mga micro-rice retailers nga apektado sa pagpatuman sa Executive Order no. 39, nga nagpatuman sa parehas nga presyo sa duha ka matang sa bugas ang regular milled ug well-milled nga bugas.
Una nga gibutyag sa taga Department of Trade and Industry nga dili tanan nga rice retailer ang mahatagan sa kinse mil pesos kundi kadto lamang kwalipikado.
Ang mga kwalipikado nga mga benepisyaryo ang gikan sa North Cotabato Province, Sultan Kudarat, ug South Cotabato.
Hinuon sa taga Gensan ug Sarangani ang nahatagan na sa maong benipisyo kaniadto pang nakalabay nga semana .
Kini nga inisyatiba kabahin sa pasalig sa gobyerno nga tabangan ang mga gagmay nga negosyo nga apektado sa mga regulasyon sa presyo.
