GENERAL SANTOS CITY – Mukabat sa 13 na ang biktima sa lugos dinhi sa dakbayan human midangop sa buhatan sa medico legal sa dakbayan.
Labing ulahi nga kaso mao ang 18 anyos nga estudyante nga lima ka bulan nga buntis nga gitabangan matud pa ug lugos sa lima ka mga suspek.
Migawas sa pagsusi ni Dr . Jet Oco nga nahilabtan ang biktima sa giingon niining lima ka mga kainum didto sa Fatima.
Wala hinuon gibutyag ni Dr. Jet Oco ang level sa edad sa ubang mga biktima aron madepensahan usab ang ilang kadungganan.
Isip usa ka Inahan mitambag pa kini sa kababainhan nga dili mukumpiyansa kung maglakaw panahon sa gabii, tambag pa sa medico Legal nga magdala ug kauban o dili ba kaha dili na lamang mugawas sa pinuy-anan.
Kung mabiktima sa lugos angayan nga dili mutago ug kinahanglan nga itug-an gilayon sa kapulisan aron matabangan nga masikop ang mihimo sa salaud.
