Gipaniguro karon sa Bureau of Customs (BOC) nga ilang gitinguha nga pangitaon ang nawagtang nga mga luxury car sa pamilya Discaya.
Duha ra sa 12 ka luxury car nga gilakip sa search warrant sa BOC ang nakit-an sa balay sa mga Discaya sa buntag sa Martes, Septiyembre 2.
“We will ensure that these vehicles are located without delay, and if discrepancies are uncovered, all taxes and duties will be collected in full,” matod ni BOC Commissioner Ariel Nepomuceno.
Kahibaluan nga miangkon si Sara Discaya sa iyang mga mahalong sakyanan human sa imbestigasyon sa Senado kalabutan sa kalambigitan niini sa mga kontrata sa mga flood control project sa Department of Public Works and Highways (DPWH) dungan sa pang angkon nga dunay 9 ka mga construction company iyang gipanag iyahan nga nakadawat ug mga binilyon ka mga flood control project.
