GENSAN – Gipanghatag ang dose ka brand new motorcycle atul sa usa ka programa nga gipahigayon didto sa Camp Amado Dumlao sa Tambler ning dakbayan nga pulos 135cc lakip ang civil disturbance equipment nga gilangkuban sa 400 ka shields, 400 ka helmets ug 200 ka body armor.
Nasayran nga naasoy nga mga motorsiklo ang miabut kaniadtong February 20, 2018 sa Police Regional Office 12.
Nasayran nga alang sa tulo ka syudad sa rehiyon dose ang naasoy nga mga motorsiklo ug CDM equipment.
Atul sa maong programa nahimong dinapit bisita Michelle Chongbian Solon, Presidente sa Sarangani Tourism Council nga nakauban ni PRO 12 Director Police Chief Supt. Marcelo C Morales nga nahimong witness sa ceremonial blessing nga gihimo ni PSupt Jaime C Seriña III, Regional Chaplain.
Gikumpirma ni General Morales nga ang National Headquarters mitagan ug pundo alang sa pagpalit sa naasoy nga himan alang sa PRO 12.
Gikadugang niini nga dakong gamit sa kampanya sa kapulisan aron muobos ang street crimes ug pagmintina sa kahusay ug kalinaw atul sa mga welga nga ipahigayon.
Gipaklaro usab niini nga ilang giila ang katungod sa matag usa nga usa sa protection nga gipatuman sa PNP.
