-- ADVERTISEMENT --
Mopadala ang Philippine National Police (PNP) kapin sa 11,000 ka mga pulis aron masiguro ang seguridad atol sa ikatulong Trillion Peso March nga ipahigayon karong Pebrero.
Sumala ni PNP Spokesperson Brig. Gen. Randulf Tuaño niadtong Biyernes, mokabat sa 11,498 ka mga pulis ang i-deploy.
Lakip sa mga bantayan mao ang EDSA People Power Monument ug EDSA Shrine diin gilauman nga moapil ang 50,000 ka mga raliyista.
Bisan pa, gibutyag ni Tuaño nga wala pa’y nabantayan ang PNP nga bisan unsang hulga sa kaluwasan sa anti-corruption rally.
Ang Trillion Peso March Part 3 gikatakda nga ipahigayon sa Pebrero 25, nga adunay pasiunang mga kalihokan gikan sa Pebrero 22 hangtod Pebrero 23.
-- ADVERTISEMENT --
