GENERAL SANTOS CITY – Posebli madala na karong adlawa pabalik sa Acmonan, Tupi South Cotabato ang usa ka truck load nga patay nga baboy nga karga sa usa ka cargo truck nga nawad-an ug brake.
Matud ni Lt. Jose Tabucon, deputy Chief sa Malungon Municipal Police Station nga nangayu ug certification gikan sa Malungon Municipal Health Office ang representante sa Piggery alang sa pagbiyahe sa sakyanan nga nagkarga sa mga patay nga baboy.
Kini human gikumpirma ni Tabucon nga nakasinate ug self accident sa National Highway sa Banahaw, Malungon ang triple decker nga cargo truck nga may karga nga 140 ka baboy. Mitakilid matud pa ang sakyanan hinungdan nga nagka stampede ang mga baboy hinungdan sa pagkamatay sa 114 ka buok.
Matud sa Opisyal nga plano matud pa nga didto na lamang sa Tupi ipalubong ang nahisgutang mga baboy.
