11 patay sa airstrike sa Israel sa Gaza

Patay ang 11 Palestino sa gihimo nga airstrikes sa Israel sa Gaza.

Ang Israel Defense Forces miingon nga ang maong lakang panimalos sa mga paglapas sa ceasefire sa Hamas.

Gibanabana sa Palestinian Red Crescent nga ang pag-atake sa usa ka tolda sa amihanang Gaza nakapatay og unom ka tawo.

Samtang ang pag-atake sa usa ka tolda sa habagatang Palestine nakapatay og lima pa.

Ang Israel ug Hamas nag-akusar sa usag usa sa paglapas sa kasabutan sa ceasefire nga gipatuman niadtong Oktubre 10 sa miaging tuig.