GENSAN – Gipahigayon karong adlawa sa Sto. Niño De Bula Parish ang 11 ka sunod-sunod nga misa sa pagsaulog sa ika-48 nga kapistahan ni Sto. Niño de Bula, nga nagsugod alas 4:30 sa buntag ug matapos alas 10:00 sa gabii.
Sa ikaduhang mesa alas 6:30 sa buntag adunay bunyag nga ipahigayon ug pangulohan kini ni Rev. Fr. Arnie Jade Rosco, CP, samtang sa ikaupat nga mesa alas 10:00 sa buntag, gipangulohan kini ni Most Rev. Cerilo U. Casicas, D.D., obispo sa Diocese sa Marbel.
Samtang, nagmalampuson nga napahigayon ang prosesyon sa Senior Sto. Niño sa Barangay Bula sa dakbayan,kagahapong adlawa nga nagsugod pasado alas singko sa hapon ug natapos pasado alas nuebe sa gabii.
Daghang deboto ang nitambong sa maong kalihokan, ug nagpakita kini og taas nga pila sa mga nag-procession aron ipakita ang ilang pagtuo ug debosyon sa Santo Niño.
Ang maong prosisyon naglakip sa paglibot sa kadalanan sa barangay, uban ang pag-ampo ug pag-awit sa mga deboto.
