Gidala sa tambalan ang usa ka 11-anyos nga batang lalaki sa Changsha, China human kini nagtuon sulod sa 14-ka oras ubos sa superbisyon sa iyang mga ginikanan.
Resulta kini sa “obsession” sa mga Intsik sa kalambuan sa edukasyon sa ilang anak nga kasagaran musangpot na sa pagbutang sa kinabuhi og panglawas sa ilang mga anak sa delikadong estado.
Gikatahong ang 11-anyos nga bata kay nagkinahanglan og atensyong medikal human nagbuhat sa iyang homework gikan alas 8 sa buntag hangtod sa alas 10 sa gabii nga walay pahuway.
Pagtakna alas 11 sa susamang gabii nakasinati na ang bata og pagpaspas sa pagginhawa, pagkalipong, paglabad sa ulo, og pagpaminhod sa iyang mga bukton.
Ang mga ginikanan niini kinsang nagbantay sa ilang anak tibuok adlaw ang nakuratan na og dali nga nagdala sa ilang anak sa doul nga tambalanan.
