-- ADVERTISEMENT --
Gianunsyo sa Department of Budget and Management (DBM) niadtong Huwebes ang pag-abli sa 10,000 ka non-teaching positions alang sa Department of Education (DepEd).
Giklaro ni DBM Secretary Amenah Pangandaman nga lahi kini sa una nga pagtugot sa ahensya sa pagkuha og 16,000 ka mga bag-ong magtutudlo.
Matod niya nga ang naaprobahan nga mga posisyon alang sa Administrative Officer II nga may Salary Grade 11 ug ibutang sa elementarya, junior high school, ug senior high school sa tanang rehiyon sa tibuok nasod.
Ang mga hingtungdang DBM regional offices mopagawas ug Notice of Organization, Staffing, and Compensation Action (NOSCA) nga direktang ihatag sa mga schools division offices sa DepEd, base sa deployment report nga gisumitir sa DepEd.
