GENERAL SANTOS CITY – Mukabat sa 107 ka mga mabdos ang nakadawat ug cash assistance nga tig P2,000 pinaagi sa programa sa gobyerno atul sa usa ka programa nga gipahigayon miaging adlaw sa Dr. Jorge P. Royeca Hospital.
Giatul ang pagtunol sa cash assistance sa binulan nga pagpahiling sa nahisgutang mga buntis pinaagi sa Assistance to Individuals in Crisis Situations (AICS) program.
Tumong niini nga mahatagan ug espisiko nga tabang ang mga nagmabdos.
Gipasalamatan usab ni Dr. Ryan Aplicador, Chief Doctor sa Dr. Jorge P. Royeca Hospital ang mga lokal opisyal nga matabangan ang mga nagmabdos samtang gapaabut sa ilang adlaw sa pagpanganak.
Gipasalig ni Dr Aplicador nga partner sa mga buntis ang balay tambalanan alang sa hapsay nga pagpahimugso sa ilang anak.
Gawas sa cash assistance nakadawat usab ug payong ang mga buntis nga magamit nga panagang sa tumang kainit sa panahon.
