GENERAL SANTOS CITY – Mapasalamaton si Dr. Jet Oco, ang labaw sa City Health Office sa dakbayan human nahimong nagmalampuson ang gipahigayon nga Sabayang Patak Kontra Polio.
Matud ni Dr. Oco tungod kini sa pagtinabangay sa tanan.
Sumala niini nga dako ang gihimu nga sakripisyo sa tanan hilabia na ang mga health worker sa paglakaw-lakaw bisan pa man sa kainit sa panahon aron lang mabakonahan ang mga bata.
Pagbutyag pa sa opisyal nga ang dakbayan anaa sa 101% ang mga nabakunahan nga mga bata nga nagpangidaron sa singko-anyos paubos.
Pagpagklaro pa niini nga anaa sa 74,531 ka mga bata ang nabakonahan dinhi sa syudad.
Nasayran nga sa Rehiyon 12 adunay 96.59 % ang nabakuhan nga mga bata.
Samtang ang Sarangani Province, subling nag-Rank 1 sa Round 3 sa Oral Polio Vaccination tibuok Region 12 kung asa may coverage rate nga 102.61%
