-- ADVERTISEMENT --
GENERAL SANTOS CITY – Giturn-over na sa Maitum Municipal Police Station ngadto sa buhatan sa Department of Environment and Natural Resources ang 1,000 board feet sa mga pinutol nga Lawaan.
Kini human nila makumpiska ang naasoy’ng mga pinutol nga kahoy, human giabandona sa wala mailhing responsable sa bahin sa Brgy Tuanadatu, Maitum.
Una niini, nakadawat ug taho ang kapulisan kalabot sa nakaplagan nga mga pinutol nga kahoy sa lugar nga posibleng ipalusot sa mga suspek, hinungdan nga gilayon nilang girespondehan.
Apan wala nay tawo nga naabtan sa kapulisan pag-abot sa lugar, hinundgan nga nagpahigayon na lamang ug imbestigasyon karon, aron mailhan ang mga tag-iya ug responsable sa sulay nga pagpalusot sa naasoy’ng mga hard wood.
