Nagpahibalo ang National Food Authority nga mamalit lang sila og 100 ka sakong bugas matag mag-uuma.
Gihimo sa ahensya ang pahayag uban sa pagpahugot niini sa mga giya sa pagpalit og bugas gikan sa mga lokal nga mag-uuma.
Kining mga lagda sa NFA nagtumong sa pagsiguro sa transparency sa proseso sa pagpalit og bugas.
Makatabang usab kini sa pagsiguro nga mahatagan ug saktong benepisyo ang mga gagmay nga mag-uuma ug makahatag usab og proteksyon batok sa mapahimuslanong mga negosyante sa bugas.
Sa usa ka pamahayag, si NFA Administrator Larry Lacson miingon nga ang limitasyon sa pagpalit sa bugas gikan sa mga mag-uuma ipatuman sa panahon sa ting-ani.
Matod niya nga magpabilin kini tungod sa ilang limitado nga pundo ug kapasidad sa bodega sa tibuok nasod.
Una nang giingon sa ahensya nga plano niini nga mag-abang og dugang mga bodega aron mabutangan ang mga bugas nga gibaligya sa mga mag-uuma.
