GENERAL SANTOS CITY – Diha-diha nga nagpadala og hinabang ang negosyante nga si Sarah Manilay para sa mga apektado sa ipo-ipo sa Brgy Bula ning syudad.
Matud pa ni Josie Tirador, Vice President sa Goldenstate College nga mukabat sa 100 ka food packs nga may tig lima ka kilo og 10 ka de lata ang gitunol sa mga residente nga gihapak kagahapon.
Inisyal pa lamang kini nga hinabang sa mga nahisgutan og galaum nga may mahatag pa human nga nakiglambigit sa Barangay Council sa Bula.
Sa pamahayag niini, angayang dili dugay og mahatagan gilayon og pagtagad ang mga apektado sa buhawi.
Gani gipasalamatan sa Barangay ang inisyatiba nga gihimo sa pamilya Manilay sa paghatud sa ilang hinabang.
Kahibaluan nga makanunayon ang pagtabang sa maong pamilya panahon sa kalamidad og bisan unsa nga sitwasyon nga kinahanglan ang ilang panabang.
