10 patay human nabangga ang bus sa 4 ka sakyanan sa SCTEX

Labing menos 10 ka mga tawo ang namatay, lakip ang upat ka mga menor de edad, sa pagkabangga sa awto sa SCTEX Toll Plaza kaniadtong hapon sa Mayo 1.

Matod sa hepe sa Tarlac City police nga si P/Lt. Col Rommel Santos, adunay kinatibuk-ang lima ka mga sakyanan ang nalambigit sa aksidente, lakip ang usa ka Solid North bus, tulo ka SUV ug usa ka container truck.

Base sa imbestigasyon, samtang naglinya ang upat ka mga sakyanan sa toll plaza sa SCTEX, kalit silang nadasmagan sa usa ka pampasaherong bus.

Matod sa drayber sa bus nga kalit siyang nakatulog.

Ang mga biktima gidala sa Tarlac Provincial Hospital diin ang drayber sa bus anaa karon sa kustodiya sa kapulisan.