GENERAL SANTOS CITY – Gikan sa pito, misaka pa sa napulo ang namatay, upat ang nagpabilin sa ospital sa natigayong bangganay sa Van ug depasaherong jeep sa may bahin sa Natl Highway, Prk 5, Brgy. Batomelong ning syudad.
Dead on arrival sa ospital ang sakay sa jeep nga si Dominador Calob 70 og Eduardo Roque 52 samtang patay usab ang sakay sa van nga silang Maria Entero 64, Rosario Calmorin 60, Adelandia Calmorin, Meriene Decenorio 33, Ricardo Entero Jr, 3 anyos, Ricardo Calmorin 63, og may usa ka wala mailhing babae og usa ka wala mailhing lalaki ang lakip sa namatay.
Nagpabilin pa sa ospital silang Aisa Mae Entero – 31 yo, Ivan Carl Entero – 6 anyos, Rica Entero, og Sandra Entero.
Samtang ang driver sa van nga si James Entero nga taga Malungon og driver sa jeep nga si Dexter Villarin, 23 taga santa Cruz, Davao del Sur ang samdan usab sa insidente apan minor injuries lang ang naangkon.
Ang duha ang kustodiya sa Traffic Management Unit.
Sa pakighinabi sa Bombo Radyo kang Po3 Ernesto Martonia, mibuto ang ligid sa van atul sa pag-ulan -ulan kagahapon pasado alas tres sa hapon hinungdan nga nawad-an og kontrol og mibangga sa jeep.
Nasayran nga paingon ang jeep sa GenSan aron mukuha og mga pasahero nga ihatud sa Digos aron mutambong sa kasal karon adlawa.
Samtang ang van ang paingon na unta sa Malungon, Sarangani.
