GENERAL SANTOS CITY – Napulo ka mga online sellers sa dakbayan ang mikuha og business permits.
Gibutyag ni Geraldine Zamora, Division Head sa Business Permits and Licensing Division (BPLD) nga iyang gikalipay ang maong lakang nga mituman sa responsibilidad nga mubayad og buhis.
Gikadugang pa ni Zamora, may mga gagmay nga online sellers kung asa pwede gihapon sila nga mukuha og business permits panagana nga mahimong legal ang ilang pagpamaligya online.
Sa iyang pamahayag nga bentahe sa mga nasampit ang pagnegosyo tungod walay daghang expenses dili sama sa mga negosyante nga may puwesto nga pas-an ang daghang bayrunon.
Base sa direktiba nga gipagawas, kung ang kita sa online seller ang anaa sa P250,000 paubos pwede na nga dili mukuha og business permit.
Apan kadtong taas ang gross sale matag tuig angayang mukuha og business permit.
