GENSAN – Malipayon si Hero Anthon Alas-as, 10 anyos, usa ka weightlifting athlete gikan sa Zamboanga City, human niyang makuha ang unang gold medal alang sa ilang team sa maong kompetisyon.
Si Alas-as mao ang pinakauna nga atleta sa ilang grupo nga nakadaog ug gold, hinungdan nga naghatag ug inspirasyon ug kadasig sa uban pa niyang mga kauban nga atleta.
Matod pa ni Alas-as, dakong inspirasyon kaniya ang iyang coach ug mga ginikanan, tungod sila ang naghatag kaniya og kusog, disiplina, ug determinasyon aron maangkon ang maong kadaugan.
Gipasidunggan siya sa mga opisyal ug gihatagan ug suporta tungod sa iyang pagpaningkamot ug dedikasyon sa sports nga weightlifting.
Sa kasamtangan, 3 ka gold medal, 3 ka silver medal ug 2 ka bronze medal na ang nadaug sa Zamboanga City.
