Nagpaabot ang Alabel Municipal Police Station sa desisyon sa pamilya kalabutan sa pagkaligis patay sa usa ka tuig nga bata.
Matud pa kang P/ Major Wesley Matillano, chief of police sa Alabel Municipal Police Station nga natigayon ang insidente sa barangay gym sa Purok 1 Proper, Brgy. Paraiso, Alabel Sarangani Province.
Sa imbestigasyon nga naatrasan sa elf truck ang bata sa dihang nahuman na sa pagdiskarga sa gihatud nga mga construction materials.
Sa pamahayag ni Matillano nga gibilin una sa inahan ang biktima sa iyang otso anyos nga anak gumikan nangihi.
Base sa impormasyon sa kapulisan, wala namatikdan sa drayber nga giilang si Renante Undray ug pahinante niini nga adunay bata ilawom sa ilang truck, hinungdan nga sa ilang pag atras ilang naligsan ang bata.
Grabeng kaguol ang gibati sa drayber og kasamtangan anaa sa kustodiya sa mga otoridad.
