KIAMBA, SARANGANI – Nakagawas gilayon sa ospital ang naangol nga 21 ka estudyante human mibigay ang tulay nga giagihan sa gisakyan nilang dumptruck sa Brgy Gasi, Kiamba Sarangani, Lunes.
Sa pakighinabi sa Bombo kay PCI Rey Salgado, ang hepe sa Kiamba Municipal Police Station, gibutyag niini anaa sa 30 ang sakay sa dumptruck nga maneho ni Renato Lopez taga Maitum og paingon unta sa Brgy. Maligang Kiamba alang sa immersion program sa mga estudyante sa Maitum Edenton College Mission Incorporated.
Gabok na matud pa ang tulay hinungdan mibigay og nadaut nga nagresulta sa pagkahulog sa dumptruck.
Pulos minor injuries lang ang naangkon sa mga estudyante gawas lamang sa usa nga gidala sa tambalanan sa GenSan tungod sa naangkon samad sa liog nga bahin, kung asa kadugayan nakabsan sa kinabuhi.
Kustodiya karon sa kapulisan ang driver sa dumptruck.
