1 ka sakop sa MILF dakpan sa PDEA 12

GENERAL SANTOS CITY – Walo ka sachet sa gituohang shabu ang nakumpiska atol sa implementasyon sa search warrant kalabot sa ilegal nga droga batok sa usa ka miyembro sa Moro Islamic Liberation Front (MILF) sa Brgy. Kayaga, Kabacan, Cotabato Province.

Matud ni Naravy Duquiatan, labaw sa Philippine Drug Enforcement Agency (PDEA) 12 nailhan ang dinakpan nga si Jomar Demaagos Mangakoy, 32 anyos, minyo nga residente sa naasoy nga lugar.

Gibutyag sa opisyal nga dugay ng gipanid-an ang suspek sa ilegal drug activity niini sugod pa sa miaging tuig.

Base sa gihimong inventory, anaa sa kapin o kulang usa ka gramo kantidad og P6,800 ang nakumpiskang shabu sa suspek.

Nakumpiska usab atol sa operasyon sa caliber .45 pistol nga may magazine og buhing bala.