Gilauman nga 1.35 milyon nga mga pasahero ang mobiyahe agi sa pangunang ganghaan sa nasud, ang Ninoy Aquino International Airport (NAIA), karong Undas 2025.
Gipasalig ni Department of Transportation (DOTr) Secretary Giovanni Lopez nga andam na sila sa pagdagsa sa mga pasahero samtang nagkaduol ang pag-ulbo sa hinapos sa semana tungod sa pagsaulog sa Adlaw sa mga Santos sa Nobyembre 1, ug Adlaw sa mga Kalag sa Nobyembre 2.
Miingon siya nga ang Oplan Undas gipahimutang na ug ang uban pang mga ahensya nga nagsuporta lakip ang Land Transportation Office, Land Transportation Franchising and Regulatory Board, Philippine Coast Guard, ingon man ang mga toll operator ug concessionaires andam na usab.
Miingon siya nga naanad na sila sa pagpangandam alang niini matag higayon nga moabot ang Undas matag tuig.
Niining bahina, ang DOTr nagpahigayon usab og hiniusa nga inspeksyon uban sa bag-ong NAIA management sa Terminal 3 sa airport.
Diin adunay mga bag-ong check-in kiosk, ingon man mga inobatibo nga self bag-drop counter ug usa ka bag-ong food hub nga gisundog sa mga airport sa ubang mga nasud.
