Nakakolekta ang Philippine Ports Authority (PPA) ug 1,104,650.90 kilos nga basura gikan sa pantalan ug mga kalihokan sa pagpanglimpiyo sa baybayon sa ahensya gikan sa 2016 hangtod sa tungatunga sa tuig 2024.
Base sa talaan sa PPA, padayon nga nimenos ang gidaghanon sa basura nga nakolekta gikan sa tanang pantalan sa nasod nga gidumala sa ahensya.
Gikan sa 138,173 ka kilo niadtong 2016, niabot kini og 45,321 ka kilo sa unang bahin sa 2024.
Adunay usab dakong pagkunhod sa nakolektang basura gikan sa 289,628 ka kilo sa 2018 ngadto sa 77,860 ka kilo sa 2023. Kini nagpakita sa epektibong pagdumala sa basura ug environmental inisyatibo sa ahensya.
Gitutok usab sa PPA ang pag-apil sa mga lokal nga komunidad aron mapanalipdan ang kinaiyahan pinaagi sa tinuig nga Port Community Clean-Up ug International Coastal Clean-Up nga kasagarang ipahigayon gikan sa Hunyo hangtod sa Septiyembre, dungan sa Seafarer’s Month ug sa National Maritime Week.
Sumala sa PPA, kini nagsilbi nga usa ka importante nga plataporma alang sa pagpataas sa kahibalo mahitungod sa pagdumala sa basura ug pagpalambo sa usa ka mas limpyo, mas lunhaw nga pantalan ug baybayon.
Ang ubang mga pantalan sa PPA nakadawat og pag-ila pinaagi sa Green Port Award System (GPAS) alang sa dedikasyon sa awtoridad sa pantalan sa pagpasiugda og limpyo nga mga pantalan ug pagpanalipod sa kinaiyahan.
Ang mga award-winning nga pantalan naglakip sa Port of Batangas (2017), Port of Cagayan de Oro (2018, 2021), Manila International Container Terminal (2022), Port of Surigao (2023), ug Port of General Santos (2024).
Aron makunhuran ang epekto sa pagbag-o sa klima, ang PPA nagpatuman ug mga lakang pinaagi sa Green Port initiatives gikan sa GPAS model ngadto sa APEC Port Service Network (APSN).
Kini nga mga pasidungog nagpasiugda sa kalampusan sa ahensya ug sa iyang liderato sa pagmugna og malungtarong operasyon sa pantalan sa tibuok Pilipinas. Kini nga mga inisyatiba nag-uban sa kalas
