Gikumpirma sa state weather bureau nga nakagawas na sa Philippine Area of Responsibility (PAR) si Bagyo Ramil.
“As of 8:00 AM today, 20 October 2025, Tropical Storm Fengshen (formerly “RAMIL”) is being monitored OUTSIDE the Philippine Area of Responsibility (PAR),” sumala sa ahensya.
Ulahi kini nga nakit-an sa kalayuon nga 420 kilometros sa Sinait, Ilocos Sur dala ang kusog sa hangin nga 85 km/h og paghaguros hangtod sa 105 km/h.
Nagapaingon kini sa direksyon nga pa-naamihanan sa gipaspason nga 25 km/h.
Una nakagawas sa PAR, nagbilin ang bagyo og daku nga kadaot tungod sa kusog nga pag-ulan og halapad nga pagbaha sa Western Visayas, Eastern Visayas, central og southern Luzon, og Bicol.
Sobra sa 22,000 ang nag-evacuate sumala sa datos sa National Disaster Risk Reduction and Management Council (NDRRMC).
Sa probinsya sa Capiz, lima ang nakumpirma nga patay (as of press time) tungod sa maong bagyo.
