Nikabat sa ₱700 milyon ang kinatibuk-ang nagasto sa Mabuhay Underpass sa General Santos City human sa pila ka tuig nga pagpahimo sa proyekto.
Kini ang gipadayag ni DPWH Secretary Vince Dizon human sa iyang inspeksyon sa Mabuhay Underpass karung buntag.
Sumala ni Dizon, usa sa mga dakong hinungdan sa pagkalangan sa proyekto mao ang balik-balik nga pag-ilis sa disenyo, nga mitultol sa dugang nga gasto ug sa pagkalangan sa paghuman niini sulod sa pipila ka tuig.
Gipasiugda sa kalihim nga dili angay mausab-usab ang disenyo sa dagkong proyekto tungod kay kini dili lamang makapahinay sa trabaho, kondili makadugang usab sa gasto sa gobyerno.
Matod pa niya, importante nga masuta pag-ayo ang plano ug disenyo sa usa ka proyekto sa dili pa kini sugdan aron malikayan ang mga sayop, masiguro ang hapsay nga implementasyon, ug mahuman kini sulod sa gitakdang panahon ug budget.
