Gumikan sa mas gipakusog nga kampanya batok sa ilegal nga droga, nasikop sa mga operatiba sa PRO 12 ang usa ka High-Value Individual ug nasakmit ang gidudahang shabu nga nagkantidad og β±1,033,328.00 atol sa buy-bust operation sa miaging adlaw Septiyembre 22, 2025.
Ang hiniusang operasyon gihimo sa City Police Drug Enforcement Unit (CPDEU), Police Station 1, ug City Intelligence Unit (CIU) sa General Santos City Police Office (GSCPO), uban sa koordinasyon sa PDEA 12, sa Purok Sta. Cruz, Barangay Dadiangas West, General Santos City.
Ang suspek nga giilang si alyas βRailyβ, giklasipika nga High-Value Individual, nasikop human namaligya og ilegal nga droga sa usa ka undercover nga operatives.
Nakuha gikan sa iyang possession ang napulo ka sachet sa gituohang shabu, β±2,000 nga buy-bust money, usa ka brown belt bag, usa ka cellular phone, lain-laing identification cards, β±1,300 nga cash, usa ka lighter, usa ka gunting, ug usa ka green nga coin purse.
Ang dinakpan nga suspek ug tanang nakuhang ebidensiya anaa na sa kustodiya sa Police Station 1 alang sa tukmang dokumentasyon ug disposisyon.
